በሻምፒዮንስ ሊግ ግማሽ ፍጻሜ ሪያል ማድሪድ ባዬርን ሙይንሽንን አሸነፈ

በሻምፒዮንስ ሊግ የደርሶ መልስ የግማሽ ፍጻሜ ግጥሚያ ዛሬ ማታ የጀርመኑ ባዬርን ሙይንሽን በስፔኑ ሪያል ማድሪድ በመጨረሻዎቹ ደቂቃዎች 2 ለ1 ተሸነፈ ። እስከ 88ኛው ደቂቃ ድረስ ባዬርን ሙይንሽን ሪያል ማድሪድን 1 ለ 0 እየመራ ነበር ። በደርሶ መልስ ውጤት ሪያል ማድሪድ 4 ለ3 አሸንፎ ለፍጻሜ አልፏል ። ለባዬርን ሙይንሽ በ68ኛው ደቂቃ ካናዳዊው አልፎንሶ ዳቪስ በድንቅ ኹኔታ ኳሷን ከመረብ ቢያሳርፍም፤ ተቀይሮ የገባው የ34 ዓመቱ አጥቂ  ሆሴሉ 88 እና 91ኛው ደቂቃ ላይ ለሪያል ማድሪድ አስቆጥሯል ። 

ትናንት በነበረው ጨዋታ ሌላኛው የጀርመን ቡድን ቦሩስያ ዶርትሙንድ የፈረንሣዩ ፓሪ ሳን ጃርሞን 1 ለ0 አሸንፏል ። በደርሶ መልስ የ2 ለ0 ውጤትቱም ቦሩስያ ዶርትሙንድ እንግሊዝ ዌብሌይ ስታዲየም ውስጥ ግንቦት 24 ለሚካሄደው የፍጻሜ ውድድር ማለፉን አረጋግጧል ። ባዬርን ሙይንሽን በሜዳው አሊያንትስ አሬና ስታዲየም ባደረገው ግጥሚያ የተለያየው በሁለት እኩል ውጤት ነበር ። ዛሬ ማታ ሪያል ማድሪድ በሜዳው ሳንቲያጎ ቤርናቤዉ  ባዬርን ሙይንሽንን ድል በማድረጉ በፍጻሜው ቦሩስያ ዶርትሙንድን ይገጥማል ።

ማንተጋፍቶት ስለሺ

ዮሐንስ ገብረ እግዚአብሔር